Portada “Cantigas e verbas ao ar”

Este libro de poemas en galego de Xulio Sigüenza Raimúndez foi publicado na Coruña en setembro de 1928. A portada é deseño da ilustradora Lolita Díaz Baliño, que desenvolveu durante os anos vinte e trinta do século XX unha traxectoria na que é posible trazar a influencia de movementos como o modernismo e o Art Déco. O deseño destaca pola integración da ilustración e da letra debuxada, de estrutura xeométrica e influencia vangardista nas súas formas.