Cuberta “O vento segrel”

A portada deste poemario de Augusto Casas presenta unha composición de grande simplicidade formal: unha escena fragmentada e de clara inspiración cubista, característica da estética vangardista de Cándido Fernández Mazas nos anos trinta. A elección dunha tipografía sen remates reforza o carácter moderno do deseño. A colección de libros da editorial de Ánxel Casal convertiuse nun dos principais focos de renovación estética e cultural da preguerra. A participación de Fernández Mazas, un dos artistas máis innovadores da súa xeración, sitúaa como un claro exemplo da modernización do deseño editorial galego.