Portada “Yunque, periódico de vanguardia política”

A portada do primeiro número de Yunque, creada por Ánxel Johán, é unha proposta radical e vangardista, construída exclusivamente mediante letra debuxada como forma visual, seguindo influencias do construtivismo ruso e do futurismo italiano. A revista Yunque nace en pleno entusiasmo republicano, e a súa portada funciona como declaración de intencións: un proxecto gráfico rupturista, comprometido politicamente e inserido nas correntes internacionais máis avanzadas do deseño.