Logotipo Noroeste Cargo

O logotipo da empresa de transporte Noroeste Cargo é unha das primeiras marcas comerciais, que saibamos, que foi realizada por unha deseñadora en Galicia. É unha identidade creada nos anos noventa por Uqui Permui. A deseñadora debuxa as iniciais da empresa “NC” con formas angulosas, inspiradas na xeometría básica dos contedores de mercancías. O deseño xoga coa perspectiva, con cortes oblicuos que aportan dinamismo. O azul dominante transmite estabilidade, rigor e fiabilidade, mentres, o vermello —no pequeno cadrado desprazado sobre o “C”— funciona como acento visual e punto de tensión. O deseño é coherente co clima gráfico de mediados dos anos noventa, no que priman a economía de recursos e a construción de identidades visuais precisas e duradeiras.