Cartel “A moda en Galicia. O viño en Galicia”

Este cartel foi creado no estudio BC&G (fundado en 1984 e disolto en 1985). Está impreso a dúas caras é foi concibido como unha peza híbrida entre cartel promocional e programa informativo do evento. O anverso presenta un tratamento gráfico experimental no que destaca o uso de tintas especiais e unha composición de carácter conceptual. O reverso permite o seu pregado para ser usado como programa do curso. A composición tipográfica, a economía de elementos e o uso expresivo da cor sitúan a peza nun contexto de transición cara a un deseño máis conceptual e menos ilustrativo, propio dun ámbito académico e institucional que comeza a incorporar o deseño como ferramenta estratéxica de comunicación.