Páxina web Letrag

Primeiro portal web galego dedicado á tipografía, que se estivo actualizando entre 2004 e 2010 pero aínda dispoñible para consulta actualmente. Foi un proxecto pioneiro en Galicia, que inclúe un identificador e buscador de tipografías, clasificación por estilos, un listado de profesionais da tipografía e artigos especializados e entrevistas. Durante o período activo, tivo ata 6 redeseños diferentes, o último, que é o que segue vixente, presenta unha estética baseada en serifas, grandes titulares e abundante espazo en branco, algo avanzado para a época. A estrutura en dúas columnas é moi representativa dos estándares pre-responsive. O sitio destaca por ser un exemplo sólido de deseño editorial da web daquela década.