Figura As San Lucas

Peza de louza figurativa decorada en azul e marrón, con cores sólidas, raias e lunares. Representa unha manda de cabalos salvaxes en distintas posturas e actitudes. A variedade na aplicación da cor e o xogo de volumes das cinco figuras ecuestres, que se entrelazan e se retorcen, dotan á peza dun dinamismo e vivacidade moi especiais. Xosé Vizoso, autor do deseño, representa unha das festas populares de Galicia: As San Lucas de Mondoñedo. A estética de Sargadelos está claramente presente na figura.