Cabeceira “Galicia. Diario de Vigo”

O diario “Galicia” aparece o 25 de xullo, facendo coincidir o seu primeiro número co Día de Galicia. Nas imaxes vemos a primeira e a última páxina do número 2. As letras debuxadas por Castelao para a cabeceira son un claro exemplo das formas que o autor utilizou consistentemente para rotular libros, carteis, títulos de libros e outras publicacións. Este estilo tipográfico, que bebe da epigrafía medieval, é o que hoxe coñecemos como “letra galega”. O uso reiterado destes títulos debuxados é un dos seus maiores legados de Castelao no deseño gráfico.