Revista Bravú

Publicación galega editada na Coruña en 1997, de periodicidade irregular (“Sae cando a ocasión o require”), promovida por un grupo de xornalistas, músicos e activistas culturais vinculados ao movemento bravú. Dirixida por Xosé Manuel Pereiro e publicada por Edicións Xerais de Galicia. No primeiro número abórdase a proposta de creación dun equipo de fútbol galego. A revista acompáñase dun CD con cancións de músicos e grupos de distintas tendencias, como Manu Chao, Mercedes Peón, Os Diplomáticos de Monte Alto, Xenreira e Koros i Dansas.

Texto de María Luaces